Земјотрес со интензитет од 6,7 беше регистриран крај Соломонските Острови, соопшти геофизичкиот институт на САД.
Ова е втор силен земјотрес во близина на архипелагот северно од Австралија за помалку од две недели. Претходниот беше со јачина од 7,8.
Земјотресот се случил на 120 километри северозападно од Кира Кира, на длабочина од 44 километри.
Засега нема податоци за настрадани луѓе и нанесени материјални штети, ниту е издадено предупредување за опасност од цунами.
