Хрватската група ДИВ од Самобор објави дека ќе ја изгради најголемата фарма на ветер во Босна и Херцеговина.
Централата ќе биде изградена во близина на Томиславград во јужниот дел на земјата и работите треба да почнат следната година.
Групата, која е главно ангажирана во бродоградба и производство на завртки, ќе ги произведува столбовите на фармата со ветерници, а за другите делови ќе соработува со партнери.
Намерата на ДИВ е да се позиционира на пазарот како производител на електрична енергија од обновливи извори. Планот на групата е да се инсталира на фарми со ветерници со вкупен капацитет од 400 до 600 мегавати во Хрватска и во земјите од регионот, со тенденција за зголемување на инвестициите во проширување на постојните и во нови капацитети во морски и крајбрежни локации.
