Рекордно ниска стапка на смртност кај вгнездените царски орли има за оваа година, велат експертите од бугарското друштво за заштита на птиците кои работеле на проектот „Земја на царскиот орел“.
Процентот за оваа година бил едвај 3.77 што е најнизок за последните 10 години. За споредба просечната стапка за последните 17 години е 8.98 отсто, а највисок бил во 2012 година и тоа 20.45 отсто.
Оваа година бројот на паровите царски орли во Бугарија е 28 колку што биле и во 2015 година. Разликата е во тоа што тимот на проектот открил два нови пара и тоа еден во Сакарја планина и еден во Дервентската висорамнина, но има регистрирано и загуба на други два пара во Средна Гора и Стара планина. Од единствените вгнездени парови во Средна Гора оваа година останала само едната птица.
Оваа пролет 21 пар се загнездени и успешно имаат одгледано вкупно 26 мали. Гнездовиот успех, како што го нарекуваат експертите, оваа година е во просек 1,24 мали на вгнезден пар и е поголем од минатогодишниот (1,21). Седум од паровите не се имаат вгнездено иако зазеле територии. Причината е дека тие се составени главно од млади птици со недоволно акумулирано искуство.
