Земјотрес со интензитет од 5,3 степени според Рихтерова скала го погоди северниот дел на Албанија, соопшти Републичкиот сеизмолошки завод на Србија.
Потресот е регистриран малку по пет часот утрината.
Епицентарот се наоѓал во градот Решен, во областа Љежа, на длабочина од 10 километри под површината на земјата.
Засега нема информации за повредени лица и причинета материјална штета.
Во Македонија е почувствуван во северозападните делови со интензитет од III степени според Европската макросеизмичка скала.
