За заштита на животната средина бугарското ресорно Министерство ќе даде 1,7 милиони евра.
Средствата ќе се дадат на Националниот доверителски екофонд, а ќе бидат наменети за пилот проект на инвестициската програма „Минерални води".
Програмата ќе финансира еколошки општински проекти за искористување на топлинската енергија на минералните води и како резултат на тоа да има директно или индиректно намалување на емисиите на стакленички гасови. Таа ќе финансира и дел од инвестициите кои водат до подобрување и зголемување на ефикасно користење на ресурсите од минерални води.