Експерти од бугарското друштво за следење на птиците откриле три загинати царски орли.
Состојбата на телата на загинатите орли не дозволувала да се утврди со сигурност причината за нивната смрт. Се претпоставува дека таа се должи на струен удар при обид да слетаат врз столбовите на електричната мрежа.
Два од мртвите царски орли се откриени во реонот на заштитената зона „Каменски баир“. Едниот од нив е возрасен, другиот бил млад. Третата птица е пронајдена во близина на една од вгнездените парови царски орли по долината на реката Тунџа.
Резултатите од истражувањата и сателитското следење на царските орли од Бугарија покажуваат дека до 80 отсто од младите и значителен процент од возрасните птици умираат од струјни удари.
Со цел заштита на популацијата на светски загрозениот царски орел и намалување на смртните случаи предизвикани од контакт со електрична мрежа, „ЕВН Бугарија електродистрибуција“ во партнерство со БДЗП го реализира проектот „Живот за царскиот орел“ кој е кофинансиран од програмата LIFE на Европската унија.
Досега за проектот се обезбедени 476 ризични електрични столбови на територијата на Општина Сливен, а 15 километри воздушен далновод со „голи“ проводници во реонот на Харманли е заменет со Паз систем со целосно изолирани проводници.
Најголемата активност на проектот вклучува целосно отстранување на надземниот далновод во една од најважните за царскиот орел области во Натура 2000, тоа е зоната „Сакарја“ и нивната замена со подземен кабел.
Активностите за обезбедување на електричната мрежа продолжуваат и оваа година со замена на 30 километри конвенционални воздушни линии во општините Елхово и Тополовград со целосно изолирани Паз системи, како и со вградување на заштитни изолации на столбови во Сливенскиот.
