Општината Маврово Ростуше преку проектот на УСАИД за општински стратегии за климатски промени ја заврши санацијата на свлечишта во селото Присојница.
Со оваа адаптивна мерка се очекува да се намалат растечките притисоци врз земјишните ресурси, како директна последица од климатските промени.
Жителите на Маврово Ростуше ја идентификуваа мерката за заштита од лизгање на земјиште како една од клучните мерки за адаптација кон климатските промени, дефинирана во стратегијата за климатски промени на општината.Со изградбата на потпорни ѕидови за превенција од лизгање на земјиштето во селото Присојница, значително ќе се поттикне капацитетот на заедницата за поефективно справување со климатските промени во иднина.
