Во близина на селото Конско, гевгелиско, почна да се гради Конска брана.
Ова е инвестиција вредна 40 милиони евра. Турскиот изведувач на работите, компанијата Адалихолдинг, една од најголемите компании во Турција со 50 годишно искуство во конструкција и градба на енергетски објект, избрана на меѓународен тендер, за некој ден ќе биде воведена во почетокот на работите за изградба на оваа брана.
Браната ќе биде висока 75 метри и ќе биде со капацитет од 25 милиони метри кубни вода.Браната Конско, која ќе биде мултинаменска, ќе служи за водоснабдување, наводнување, дотур на вода по природен пад до Дојранското езеро, како и развој на локалната туристичка понуда. Тоа е една од трите брани кои во наредниот период ќе почнат да се градат во Македонија и чие завршување се очекува во 2021 година.
