По педесетина години откако беше ставено во употреба во Гевгелија со финансиски грант од Јапонија, профункционира целосно реконструираното бунарско подрачје кај Вардар од кого се снабдува регионалниот водовод со вода за пиење.
Обновената модернизирана пумпна станица овозможува двојно зголемување на капацитетот од 50 на 100 литри вода во секунда.
Со реконструкцијата се заменети постојните со нови потопни пумпи, комплетно е обновена електрониката и санирана е внатрешноста на објектот во кој се сместени пумпите. Овој проект е реализиран по точно 46 години откако било ставено во функција бунарското подрачје кај Вардар во Гевгелија.
