Водостоите на сите реки во Македонија се во тренд на покачување како последица од топењето на снегот и поинтензивните температури на воздухот проследени со врнежи од дожд, информира Управата за хидрометеоролошки работи (УХМР).
Од Управата предупредуваат на внимателно движење покрај водотеците и суводолиците.
Според УХМР, нивото на Вардар е зголемено на сите мерни точки во споредба со просечното ниво за февруари, а најмногу кај Скопје. Најголемо зголемување на водостојот има на реките Треска и Црна Река, а намалување на нивото во однос на вообичаеното единствено има Црн Дрим и тоа за повеќе од еден метар.
