Преспа годинава ја имаше најдобрата туристичка сезона во последните 15 години, оцени градоначалникот на општината Ресен Ѓоко Стрезовски.
За време на викендите, според него, имало и над 10.000 посетители. Според тоа, Стрезовски заклучува дека инвестициите во уредување на плажитево Стење и Сливница, кои ја чинеа државата 77 милиони денари, дале резултати. Тој смета дека ако се уредат плажите и во другите крајбрежни населби, како Претор, Крани и Отешево, Преспа ќе стане дестинација не само за алтернативен туризам, туку и за масовен.
За да се привлечат повеќе туристи се гради и пешачка и велосипедска патека од пет километри, во два дела. Едниот ги поврзува Претор, Сливница и Крани, а другиот се гради во Стење.
- Согласно проектот, патеката ќе им биде на располагање за рекреација за пешаците и на велосипедистите , и ќе има клупи и осветлување, така што посетителите ќе можат и да уживаат во околината која ја нуди преспанското крајбрежје - итакна градоначалникот Стрезовски.
