Општина Центар го обнови зеленилото во Градски ѕид, зад поранешна „Агромеханика“.
Засадена е нова трева, зимзелени грмушки и високи садници.
Засадени се 6.500 растенија на површина од над 1.070 метри квадратни. Во помалите жардинери засадени се зимзелени грмушки и листопадни ползавци кои ја менуваат бојата. Поставен е нов, автоматски систем за наводнување на жардинерите.
Комплексот е надополнет и со урбана опрема, канти за отпадоци и клупи.
