Военовоздушните сили на Нов Зеланд почнаа да евакуираат луѓе блокирани на Јужниот Остров од местата каде има лизгање на земјиште по земјотресот со интензитет од 7,5 степени.
Две лица загинаа во земјотресот што беше регистриран во неделата и во кој беше направена голема материјална штета на патишта и железнички пруги во градот Каикоура на Јужниот Остров.
Четири хеликоптери веќе почнале да ги евакуираат жителите од градот во кој нема електрична енергија и има залихи на вода за само три дена. Брод на новозеландските ВМС ќе достави во градот вода и храна и ќе евакуира луѓе.
