Градските власти на Париз планираат да изградат уште стотици станици за селектирање отпад што се рециклира.
Селектирањето сега се прави во посебни жолти канти во кои парижани одложуваат пластика, хартија, метал и стакло. Но, поради тоа што некои згради ги немаат овие канти или, пак, многу брзо ги полнат одредена количина на отпад завршува на депониите или во печките.
Од крајот на годината градот ќе постави нови 40 места во четири области во кои ќе може да се собира отпадот за рециклирање.
Според програмата на градот во средината на 2017 година во Париз ќе има илјада, а до 2018 година 1.500 места за собирање на отпадот кои ќе се наоѓаат во 20 реони.
