Невладината организација Гринпис бара во Велика Британија да се забрани пластичните зрнца кои се користат во многу козметички производи, а се штетни затоа што ги загадуваат океаните и ги трујат рибите и микро планктоните.
Океанограф од лондонскиот Imperial College вели дека секоја година во океаните се излеваат од 5 до 12 милиони тони пластика, но дека најопасни се ситните зрнца.
- Што е пластиката поситна тоа е поштетна. Повеќето животни нема да ја проголтаат пластичната ќеса, но многу полесно ќе внесат некоја мала количина на пластика - вели океанографот Ерик ван Себиј.
Пластичните зрнца на кои укажува Гринпис може да бидат поштетни и од 0,1 милиметри. Се користат во бројни козметички производи од креми па се до гелови за туширање и пасти за заби.
Ситните зрнца се премногу мали за да се задржат во филтрите зе преработка на отпадните води, а пред да завршат во водотеците и океаните собираат и други загадувачи.
Гринпис бара забрана за користење на овие зрнца во сите производи, а петицијата за забрана во Велика Британија ја имаат потпишано 375 илјади луѓе.
Од Гринпис тврдат дека најлошото допрва доаѓа.
- - До 2025 година на секои три тони риби ќе има еден тон пластика во океаните - тврди генералниот директор на Гринпис Џон Совен. Извештајот на фондацијата Елен Мек Артур предвидува дека до 2050 година во океаните ќе има повеќе пластика отколку риби.