Градските власти на Париз во борба со загадувањето привремено го забранија сообраќајот за половина автомобили и еден ден овозможија бесплатен јавен превоз.
Соочувајќи се со црвена фаза поради загадувањето градските власти велат дека тоа е голем ризик за здравјето на луѓето.
Властите велат дека временските услови и преголемата употреба на дизел горива придонесуваат за загаденост на воздухот. Поради тоа на еден ден може бесплатно да изнајмуваат велосипеди и електрични автомобили и да се користи метрото и автобусот.
Во градот денес е дозволено да возат само автомобилите со парни броеви на регистарските таблици.
