Рис ги убива загрозените пингвини во Јужна Африка

Откако неколкупати не успеале да го фатат натрапникот, ренџерите поставиле стапици во близина на плажата.

• Стапицата се активира кога животното ќе згазне на неа и му ја врзува ногата. Безопасно е и не може да ја повреди мачката - изјавил Арне Пурвес од одделението за животна средина на градот Кејптаун.

Пустинските рисови се доста застапени во Африка. Тежат до 18 килограми и имаат долги и силни нозе, кратки опашки и долги уши исправени нагоре. Во градот веќе бил фатен еден таков рис и пренесен на безбедно место, но засега ренџерите имаат потешкотии да го уловат и вториот.

• Интересно е што двете мачки заседнаа во овој реон и не сакаат да си одат. Можеби поради пожарите од 2015 година, не можат да најдат плен на други места - додал Пурвес.

Африканските пингвини се единствениот вид пингвини што се гнезди на африканскиот континент. Нивната бројност драматично во изминативе години поради загуба на живеалиштата и поради недостиг на риби во морињата. Експертите сметаат дека има уште 21.000 возрасни парови од овие птици. Неколку стотини живеат и се гнездат на плажата Болдерс во Кејптаун.