И натаму останува во сила наредбата за евакуација на десетици илјади жители на Северна Калифорнија, а инженерите работат на зацврстување на оштетениот преливник и на испуштање на водата од браната Оровил, што се преполни од дождовите, пред нови невремиња да го зафатат регионот, соопштија британските медиуми.
Останува во сила наредбата за евакуација на 188 илјади лица, додека се прави проценка на ризикот за луѓето кои живеат во долината на реката Федер, соопштија локалните власти.
- Се прави се што е во наша моќ да ја обезбедиме браната и луѓето да се вратат во своите домови и без страв и во безбедни услови да живеат во нив. Многу е тешко - изјави гувернерот на Калифорнија, Џери Браун.
Браун од претседателот Доналд Трамп побара во Калифорнија да се прогласи вонредна состојба за да може на државата да и се доделат федерални средства за санирање на зафатените реони.
Вчера беа спуштени големи корпи со камења со кои се наполнија пукнатинате во оштетениот преливник, посочуваат британските медиуми.
