Осум рудари загинаа, а околу 20 други се водат како исчезнати по експлозија на метан во рудник за јаглен во западниот украински регион Лавов.
Управата на рудникот соопшти дека експлозијата се случила на длабочина од околу 550 метри под површината на земјата.
На местото на кое се случила експлозијата во тоа време имало најмалку 34 рудари.
Засега нема повеќе детали за настанот, а не се соопштени ниту причините за експлозијата.
