Земјотресите во западниот турски округ Чанаккале можно е да се организирани од странски сили кои имаат за цел уривање на економијата на Турција со „вештачки земјотрес“ близу Истанбул, изјави градоначалникот на Анкара.
- Имаше голем земјотрес во Чанаккале. Јас проверив дека има брод што извршува сеизмични анализи во близина. Што бара тој брод и на која држава и припаѓа треба веднаш да се дознае. Стравувам од потенцијален земјотрес што може вештачки да биде предизвикан - напиша на Твитер Мелих Ѓокчек.
Тој предупредува и за бродовите во Мраморното Море и бара нивна целосна контрола.
- Ударот кон Турција сега има за цел да ја урне економски со земјотрес близу Истанбул. Некои може ќе ми се смеат, но јас сум вознемирен поради тоа. Сите подморници и бродови крај Истанбул, Мраморното Море и Чанаккале треба да бидат под надзор - напиша тој.