Џиновски видри, тешки и големи колку волци, со силни вилици, живееле во праисториско време во Кина.
Нивните фосилни остатоци, откриени во земјата, даваат ново светло на еволуцијата на цицачите.
Фосилот на животното е најден во покраината Јунан, во југозападниот дел на Кина. Најдени биле целиот череп, заби, долна вилица и други коски. Археолозите тие коски ги имаат најдено во 2010 година во еден рудник за јаглен. Тие утврдиле дека тој цицач живеел пред шест милиони години и дека бил тежок околу 50 килограми што е повеќе од тежината на денешните видри.
Овој пронајдок може да им помогне на научниците да ја реконструираат историјата на еволуција на ласиците, семејство на цицачи во кои спаѓаат и видрите.
Моќните вилици и големите заби веројатно му користеле на тоа древно животно да ги дроби големите школки или другите слатководни мекотели.
