Австрискиот суд го забрани проектот за проширвање на виенскиот аеродром во рамки на борбата против глобалното затоплување.
- Пресудата ќе ја запомнат сите стручњаци за заштита на животната средина - изјавила претставничката на еколошкиот институт во Линц, Ерика Вагнер.
Судот во Виена забрани изградба на уште една писта на аеродромот поради негативното влијание на емисијата на јаглерод диоксид која би била над нормалната граница понудена во проектот. Судиите навеле дека е во интерес граѓаните да бидат заштитени од негативните ефекти на климатските промени. На виенскиот аеродром годишно поминуваат 23,4 милиони патници.
